Naomi峰騷睇首映 Phoebe慘變雙失

許穎(Phoebe)及Naomi(馮鎵瀠)等𡃁模前晚攻陷九龍灣戲院上演「胸戰」,而本身已大騷事業線的黃榕眼見自己「輸蝕」即再拉開衣服以戰鬥到底,而封胸現身的Phoebe明顯被人搶「峰」頭。

大騷四吋事業線的Naomi更主動發起「爭仔戰」:「我約咗個異性朋友幫我帶件外套嚟,唔怕戲院冷氣凍!」及後,她穿上粉紅色外套在場擾攘,更有人認出其「朋友」就是Phoebe的前緋聞男友、揸名車的Michael Poon!及後記者問Naomi的男友可是Michael,她即語中帶刺的謂:「佢係許穎朋友,你哋問佢啦!」Phoebe對於前緋聞男友被搶,即指與對方只是好友,劃清界線。

揀對象 視乎座駕大小

Naomi早前被傳曾與多次傳出花邊新聞的李思捷拍拖,問到其男友標準是否要專一時,她又寸嘴的說:「我呢位朋友的確會有好多女仔游埋佢身邊,(要專一?)我對上嗰個男朋友就唔專一,我依家揀男朋友最重要係揀佢架車,車大啲坐得都舒服啲!」一箭雙鵰矛頭直指Phoebe及李思捷。Phoebe輸完身材再輸仔,不過二人被叫到影合照時,她們亦相當交戲,互搭膊頭扮友好!

文:影視組