阿B欣慰兩女有錢途
鍾鎮濤（阿B）昨日到市值2億元的豪宅接受陳海琪電視節目訪問，對於愛女鍾懿在早前的8歲生日會上與契父母上契，並收取100萬元現金上契禮物，阿B承認說：「佢搵錢多過我，成6吋厚一千蚊紙，留嚟用作教育資金，佢只係叫我買部電腦畀佢。」
早前與細女鍾幗拍攝電視廣告的阿B笑言兩個女都識搵錢，問到兩女的入收是否多過他？阿B說：「咁又唔係，小朋友嚟計已經好多。」他又大方承認有意與女友范姜拉埋天窗，他說：「今年同明年都好忙，依家儲緊錢買石頭（指鑽石）畀佢。（買幾多卡？）靚同閃就得，其實佢肯跟我已經好Happy。」