朱千雪縮水離罩 曾明俐澎湃大勇

《2012香港小姐競選決賽》十位候選佳麗，昨日在電視城穿上款式老土的紅白兩色泳衣見傳媒，大會特別安排下身小裙仔，以免部分佳麗「豪華臀」嚇窒街坊。現場所見，曾明俐及林泳淘上圍最澎湃，張名雅酥胸亦如她舅公之名一樣「堅挺」，但大會未有替她遮瑕，令她身上多處黑印暴露人前。

湯洛雯減埋胸骨

朱千雪昨日所見上圍疑似縮水，瘦到離罩；黃心穎胸部則出現極深的bra印，而大熱佳麗湯洛雯、曾明俐及陳潔玲身形fit爆，狀態大勇。

湯洛雯愈來愈fit，連胸骨都減埋。	放大圖片	林泳淘臀部有不少贅肉，行路十分誇張。

修身成功的湯洛雯說：「我比英國外景期間，瘦咗六、七磅，（瘦到胸骨都減埋？）我返屋企研究過企嘅姿勢，我仍然覺得唔夠firm，我覺得最緊要係腰，會勤做sit up。（朱千雪睇好爆過你under周圍擺嘅李渼琦？）李渼琦keep得好靚，我都好睇好佢，其實個個都係勁敵，我平常心，唔想有太大壓力。」

張名雅準備充足，以最佳狀態應付明日一戰。	朱千雪上圍疑似縮水，瘦到離罩。	由左至右：陳潔玲、張名雅、張鈞美、朱千雪、林泳淘、李渼琦、岑杏賢、湯洛雯、曾明俐、黃心穎

朱千雪為了決賽，人生首次減肥成功，她說：「我不嬲都地獄式減肥，晏晝只食冇肉三文治，今次係我人生第一次減肥成功。（減到上圍縮水，離罩？）唔會，泳衣fit身形，可能件衫扯高咗。（邊個係勁敵？）李渼琦不嬲cute，湯洛雯狀態好，佢綵排好認真。」

林泳淘做「籮霸」

獲抽中試戴價值360萬金鑽后冠的曾明俐，被告知試戴者多數冇緣奪冠，她說：「唔係啩？其實贏輸都開心，我平常心，當然想決賽晚將后冠攞番屋企。」

林泳淘臀部仍有不少贅肉，堪稱「籮霸」，面對強敵環伺，她說：「我下身不嬲肥，身材不嬲唔係咁balance，係唔夠時間減，希望條裙仔再長啲就好。（你胸大有優勢？）多謝，我冇特別做啲乜去豐胸，可能跳舞多咗，食嘢多咗。（你頭先行路好誇？）頭先少少緊張，我會改善。」

文：影視組