何倍倩為囝為膚限飛４次
恒生新抱何倍倩（Anina）婚後不甘於只做幸福少奶奶，湊仔之餘並分配時間開拓自己的美容生意，繼去年在美國比華利山開設護膚品牌旗艦店後，現計劃未來一年全線在美有售，實行大展權腳，她說：「唔係開分店，主要係寄賣或者喺大型百貨公司嘅特定櫃位售賣，生意又一大進展，真係好開心！」那豈不是日後要經常飛美國公幹？Anina說一切以家庭為先，每次離港都十分掛念兒子：「我同自己講，一年只可以飛四次長途機，歐遊都計算在內，除咗因為我唔捨得個仔，仲有對肌膚質素同身體健康都有影響。」
她稱早前被兒子感染生病，故認為健康十分重要：「始終小朋友唔識注重衞生，所以上playgroup或去遊樂場玩，都好容易感染到細菌，佢一病就會傳染埋畀我同老公，之前我哋感冒完之後，我自己又腸胃炎，屙足四日，好辛苦！不過我病好過個仔病，佢每次病我就會好心痛！」
化妝、髮型：Kayte Fung
服裝：Valentino