鍾嘉欣陳智燊等組情侶檔
鍾嘉欣、陳智燊（Jason）拍畢無綫新劇《幸福摩天輪》，兩人聯同監製一起「萬歲」煞科，宴請台前幕後。男、女主角不期然以粉紅色情侶裝到場，但否認夾埋。嘉欣表示拍攝期間相當愉快，而同Jason的合作感到新鮮，她表示：「Jason第一次做男主角，見佢不斷進步，表現好好。（兩個合組情侶檔？）視乎公司安排。」
而最近備受無綫力捧的Jason首次擔正，他大嘆：「壓力係自己畀自己嘅，角色有發揮，希望出到嚟觀眾鍾意。」另外，早前他的緋聞女友宋熙年被拍到與鄭嘉穎歎下午茶，他即表示現時單身：「我無女朋友，同佢傳咗好耐，大家朋友食飯ＯＫ嘅，不過佢嘅嘢我唔方便回答。」
