張致恒畀女撩 乘機「抄牌」

盛傳與緋聞女友鍾舒漫復合，關係更已好到見家長地步的張致恒（Steven），前日下午4時多，一身型仔打扮，單拖孭住個大背囊現身中環，等候過馬路時不停低頭玩電話。未幾Steven成功吸引一名妙齡長裙女注意，對方熱情地撩Steven傾偈，講到開心處更捉實Steven隻手，兩人搞笑地當街握手。Steven眼見對方可愛又主動，馬上向對方「抄牌」，長裙女講出電話號碼，Steven二話不說馬上致電確認號碼無誤，成功地又識到一個異性朋友。Steven道別長裙女後，風騷地行去電車站上電車走人。