盈盈嫁得錢家唔知
準錢太湯盈盈昨早為新劇到烏溪沙開工，繼續穿高跟鞋示人，行色匆匆的她笑謂：「因為通告錯咗要趕住過嚟，（以為你同錢嘉樂有拗撬！）你哋（指記者）都有好多以為。（嘉樂變「愛妻號」？）都要啦，佢不嬲都乖，唔使開工佢都會留喺屋企。」而日前她被拍到日本餐廳買魚生，盈盈大方表示：「係呀，（食生冷嘢？）唔係我食。」
另外，錢嘉樂哥哥錢小豪表示從報章才得知喜訊，而錢母則透過電話說：「佢冇同我講，（鍾意盈盈？）個仔鍾意我就鍾意。（雙喜臨門？）如果係真就更開心，幾兄弟姊妹得佢未成家立室，依家有個女人喺佢身邊服侍佢我都好開心。」
