文頌嫻B女似爸爸

藝人文頌嫻前日於山頂嘉諾撒醫院剖腹誕下囡囡，B女重5磅14安士，與母親一樣嬌小玲瓏。昨晚6時多，文頌嫻丈夫李梓慎一面喜悅來到醫院探望妻女，約1個小時後離開，問他囡囡似爸爸或媽媽？李梓慎笑言：「似我！好大鑊呀！（改名未？）中文名未改，英文名改咗。（剪臍帶驚唔驚？）唔驚，因為冇得睇，」

周家蔚緊張攞經驗

至於文頌嫻的一班好姊妹湯盈盈、周家蔚、姚嘉妮、姚樂怡等紛紛送祝福，快為人母的周家蔚表示：「我個BB依家有個『姐姐』，之後又有一個細過佢嘅（指湯盈盈BB），大家差唔多年齡，第日可以一齊玩。（愈來愈緊張？）都會，佢（指文頌嫻）有同我講入院過程，同生BB經驗，對我都好有幫助，做足心理準備。」家蔚又透露會與老公洪天明上產前班。

李梓慎難掩興奮心情。

姚嘉妮誕下囝囝不久，大女就爭住抱。

姚嘉妮坐月搵新抱

現時仍處於坐月階段的姚嘉妮，笑言幫囝囝搵定新抱：「可以對親家喇！我都預知自己係『呷醋奶奶』，希望個仔第日可以搵到個好老婆，對奶奶孝順嘅，不過都唔心急，之後好多女，可慢慢揀。」

此外，造人成功的湯盈盈昨日亦有到醫院探望文頌嫻，其後記者致電給她，問到希望自己腹中塊肉是仔定女時，她坦言無所謂，但已買定給BB女禮物送給文頌嫻。至於張文慈則表示稍後會相約姚樂怡等探望文頌嫻，會買定衫仔送給B女，姚樂怡就「預告」文頌嫻好快會再追多個。

文：影視組