劉嘉玲韻味 撼贏嫩口港姐

劉嘉玲昨日以一身橙色泰山裝配紫色belt襯綠色裙，與其餘四位評判出席《2012香港小姐競選》記者會。首次與應屆10位候選佳麗會面的嘉玲，艷光力壓一眾後生女，嘉玲對此謙稱：「唔會啦！佢哋仲細。我好似佢哋咁嘅年紀，都一樣好驚青。見到佢哋，我諗番起自己考訓練班嗰陣。嗰時訓練班導師都有叫我去選美，但我廣東話唔好，又過唔到着泳衣個心理關口，依家都好好吖！」

想與黃宗澤拍劇

記者笑指若嘉玲選美入行，可能不會與老公梁朝偉結緣，嘉玲笑謂：「緣分好難講，但我覺得揀邊條路都一定會識到嘅。（會唔會幫無綫打仗，返去拍劇？）有適合嘅都有興趣，我哋唔係講錢，係講感情。（想同偉仔合演？）同佢咪即係我旺佢？我幾鍾意黃宗澤，覺得佢幾有星味同殺傷力。」

（左起）陳潔玲、張名雅、劉嘉玲、張鈞美、林泳淘、李渼琦 嘉玲與一眾港姐排排企影合照，明顯比她們更搶鏡。

湯洛雯坦言見影后嘉玲感到緊張。

問嘉玲會否對有親戚是娛圈中人的佳麗給予感情分時，她說：「我都聽講過有位佳麗係湯鎮宗個女，但唔會有感情分，會好公平咁去選。評審準則係美貌與智慧並重，尤其依家資訊咁發達，智慧更加要與時並進。呢10個女仔入到呢個階段都好好，要睇呢個星期狀態。」

湯洛雯習慣閒言

嘉玲揚言大公無私，不會給感情分予圈中人親戚，湯鎮宗女兒湯洛雯對此表示：「今日見到影后（劉嘉玲）好緊張。（細個冇叫爹哋帶你見明星？）好少，我怕醜呀！而且我細個已經跟爹哋離開香港生活。（驚人話評判會偏心你？）參選以嚟一直被人講，依家慣咗。」

港姐大起底

爆料熱線：3600 1022

爆料傳真：3600 1000

爆料email： entertainment@opg.com.hk

文：影視組