歌手名人準備朝聖

容祖兒：梗係想睇啦，最緊要係嗰日唔使開工就得嘞。Elton John係樂壇殿堂級人馬，都有好多年未嚟香港開騷，就算啲飛有幾貴都值回票價。

鄭融：有興趣睇呀，好想跟佢學習歌藝同舞台上嘅演繹，雖然最貴嘅飛要賣到千八蚊，但我唔使特別飛去外國睇已經慳咗錢同時間呢。（同外籍男友捧場？）未知，到時先算。

楊千嬅（左）、丁子高（右）

周國豐（左）、黃泳霖（右）

丁子高：如果有機會都想同老婆千嬅睇，覺得佢係一代巨星，咁大Artist，千八蚊票價係好抵，香港睇演唱會唔太貴，如果喺日本閒閒哋都要幾千蚊。

周國豐：我對佢都有興趣，佢唱嘅歌幾好聽，都會考慮同太太一齊去捧場。（近二千元一張門票貴唔貴？）都算偏貴，但只係唱一場呢個價都係值得嘅。

葉梁美蘭：我過身嘅父親好鍾意佢，差不多日日都聽佢嘅歌，所以我自細聽到大，對佢嘅歌OK，有好多經典名曲。（近二千元一張門票貴唔貴？）佢咁嘅級數實惠啦！