Julio 「畫」入藝術界
組合Soler成員Julio除了音樂了得，原來畫畫亦同樣出色。深受藝術家父親薰陶的他，兒時的玩伴並非迷你四驅車、機械人模型，而是顏色筆及畫簿。修讀平面設計的他，現更踩入藝術界，實行藝術、音樂雙線發展，早前更處男下海，親自設計並演出了一個令自己非常滿意的平面廣告，他說：「我將鋼琴同結他好自然咁混入去我同細佬Dino嘅身體度，有自己嘅風格之餘，又突出到主題。」
問到平常從何吸取設計靈感？他坦言身邊每事每物都能觸發他的設計意念。說畢，他即拿起身旁的紙筆，輕輕幾筆便畫出一個如帳篷般的圖案。他解釋說：「今日天氣咁熱，令我諗起沙灘，而我哋成日都會喺沙灘度執到被磨蝕咗嘅玻璃樽碎片。我呢個帳篷就係想用呢啲玻璃嚟做原料，既環保又可以遮太陽。」他又自爆閒時最大的娛樂就是隨意畫畫，而非聽音樂！他笑言：「我每次聽音樂都會好緊張同留心，因為佢係我嘅職業，會好嘥神。」
髮型：L'Oreal
化妝：Missha
服裝：Luxe Tuxedo