三太開綠燈：唔會反對！

賭王何鴻燊因感冒再度入住養和醫院，連日來幾房人按時輪流探望，昨日輪到三房接力。下午四時許，三太陳婉珍抵達醫院，問何生情況如何？她心情大好，停下來說：「其實係上次感冒未清，仲有啲咳，咪入嚟睇吓囉！（有冇發燒？）冇！」記者隨即伺機恭喜她，笑指超雲和山聰結婚？本來停低的她即時急步離開，邊走邊說：「佢哋自己搞啦！（你唔反對？）如果佢哋真係要結婚都唔會反對！」說畢匆匆步入醫院。

超蓮醒目不回應

而三太女兒何超蓮亦於下午五時多現身，對於三太表示不反對超雲跟山聰結婚？她醒目地謂不回應。此時四太梁安琪剛離開，超蓮突爆了一句「好驚」，二人在門外相遇，超蓮禮貌地稱呼四太一聲auntie Angela便進內，四太則跟兒子猷亨一同離開。

三太直言不會反對超雲嫁山聰。	超欣話冇拍拖，因阿媽唔畀。	超蓮遇上離去的四太與猷亨，禮貌地打個招呼。

四太禁超欣拍拖

四太離開前，孻女超欣先行離去，大爆前晚跟父親打麻雀有斬獲，她笑說：「我同爸爸打，爸爸贏咗四百幾蚊，打得好細，不過我唔識計番。（幾時返去英國？）唔知，未book機票。（有冇拍拖？）冇，媽咪都唔畀。」而四太亦表示前晚跟何生打麻雀，不過就自己一個輸晒。問何生何時出院？她說：「過兩日，（講句真啦？）就係講句唔真，我點知？（超欣話你唔畀佢拍拖？）咁細個拍咩拖！」

文：名人組