江若琳交唔到戲頹爆

「中國欄王」劉翔在倫敦奧運跨第一個欄跌倒，這一跌，痛在劉翔身，亦令每個中國人心痛。其實有誰未嘗過人生起跌？每個人一生中，總有不少關要闖，包括升學、愛情、事業，江若琳就曾在演技上受考驗而跌倒；薛凱琪因抑鬱症折磨而萌輕生念頭；至於娜姐周秀娜的初戀更戀上愛情騙子，受盡情傷。

「拍電影《追兇》時，我飾演一個自閉人士，角色好難演，ＮＧ咗成十次，我覺得自己好盡力去做，導演都唔收貨，要我停拍個半鐘去培養情緒，嗰時有諗過放棄，覺得好失敗，無從入手。後來心裏面有把聲音鼓勵自己，唔可以逃避！」

「我十六、十七歲時邊讀書邊做兼職model，但因我好鍾意食，結果忍唔到口，肥到近一百四十磅，最終冇人敢搵我做嘢，自信心都冇埋！」

「開第一間髮型屋生意好好，咁咪開分店囉，點知搵錯地點兼簽咗兩年約，呢個商場根本冇人流，最終蝕咗過百萬，真係蝕到入肉。不過算啦，當係個經驗同教訓，依家學精咗！」

「我向來成績都中等，但會考時，諗住某啲科目好有信心攞到好成績，因為我放咗好多心機去讀，點知出嚟令我好失望，覺得壓力好大，唔敢相信！」

「最傷係同初戀男友分手，我19歲初戀，拍咗三年幾，個男仔原來好花心，我嗰時第一次拍拖好純，後來先知佢一直有第二啲女仔，有一次出街畀我撞破，所以先同佢分手，好慘。」

「讀演藝時最後個畢業騷，同啲同學綵排好耐，一直都演得好好，點知當日一上台就發台瘟，乜都唔記得晒，個腦一片空白，嗰一刻我覺得自己好冇用，仲連累埋同學，好彩佢哋識執生，最終都完成個畢業騷。」

「成績一直OK嘅，但跌得最痛一次係升唔到大學，爹哋媽咪覺得好冇面，不停怪責我冇畀心機讀書，我同屋企人冷戰咗一段時間，成日匿喺房喊，唔知點做好，好彩後來佢哋送我出國讀書，依家仲攞咗雙degree添！」

「我曾經患上抑鬱症，諗過放棄生命，但只要跨過呢個難關，你會發現呢個係一份禮物，會令你愈變愈強，最後我得到神嘅幫助，仲有家人同朋友鼓勵成功克服咗。」

「2004年我經歷人生低潮，事業幾乎係失業狀態，處最黑暗階段，後來靠我嘅信仰及義工朋友，令我有番人生目標，知道事業唔係一切，自己唔係冇用，我可以幫助其他人。」