余文樂婆仔本色 數目分明

最近換車多過食飯的余文樂，早前被三級女星王璐瑤爆傳情慾短訊，但他一於少理，日前大約九時許更約同親友飯聚，在跑馬地歎西餐不知幾溫馨。全程樂仔滔滔不絕妙語如珠，加上愈做愈風生水起，家人亦為他自豪，難怪整餐飯不停傳出歡笑聲。

搵朋友幫眼

當飯局食到尾聲，發現樂仔獨自離座，原來是靜靜雞行去櫃台埋單，認真識做又窩心。不過，當他手持單據返回座位時，全程金睛火眼對單，即使已離開食店往取車途中，他仍繼續拿着單據研究，後來更叫身旁友人幫眼，左睇又睇才將單據放入銀包，做個精明消費者之餘，舉止性格都相當「婆仔」。

待肯定帳目無誤後，余文樂才把單據放進銀包。	余文樂於餐廳內突然離座，原來是去櫃枱埋單。	樂仔到路邊取車，大夥兒一同離去。

停步睇靚車

期間他發現路邊泊了一部靚車，馬上叫各人停步研究，完全不怕尷尬站在車前評頭品足，果然是名車發燒友。當眾人準備過馬路時發現記者，樂仔親友顯得不知所措，不願上鏡的他們竟不肯過馬路，當走在前面的樂仔知道後，笑笑口示意叫他們不要害怕，最終等齊人上車走人。

文、攝：追蹤組