林海峰坐法拉利城城上身
林海峰（Jan）昨日出席「Shell V-Power LEGO模型法拉利推廣」活動，乘坐由LEGO砌成的法拉利模型跑車，阿Jan笑言感覺好郭富城，如變了舞台王者。問到有傳他曾向電台高層拍枱代弟出氣？阿Jan笑言：「冇拍枱，只有抹枱。（話你劈炮唔撈？）係唔撈呀，每次開騷都唔撈，今次就唔撈四星期。」
講到電台人事頻頻變動？阿Jan謂：「車都要不斷入新油，咁先有新動力。」他被指為「鎮台之寶」？阿Jan即謂：「吓，我只不過係員工，電台係兼職，正職係設計，只係正職做得差冇人知，當日入電台係做暑期工，做咗二十年。」提到葛民輝細妹涉嫌被追債累阿葛被貼大字報？阿Jan笑言：「每次做騷都有呢啲新聞，今次唔係同某女高層食飯，咁都幾新鮮。」