Mia倒奶謝票 裸泳慶功
近來港產片謝票成風，連詩雅、Mia等前晚亦到尖沙咀戲院謝票，有一對仔女的模媽Mia笑指若票房好，會帶同小朋友到小島旅行兼裸泳慶祝！
連詩雅、Mia、沈震軒、陳偉成、松岡李那、蔡恩真，聯同導演錢國偉，前晚為新片《喜愛夜蒲2》到尖沙咀進行優先場謝票，向現場觀眾大派海報和螢光棒，影大合照時錢國偉笑言：「杜汶澤帶隻騾去謝票，我哋係咪要帶張床去謝票？」三級味濃。
DIY長裙夠慳家
模媽Mia倒奶出席之餘更DIY其長裙，將裙襬扣起，大騷美腿！她表示：「自己整可以慳錢，平時都有同小朋友做勞作。（工作忙冇時間陪小朋友？）反而多嘢做會心虛，會盡量陪多啲小朋友，不過自己就瞓少咗！」
問到若電影票房大收會如何慶祝，出名錫仔女的Mia大膽回應：「裸泳囉！因為冇同小朋友去過旅行，趁暑假想同小朋友去小島旅行，咁就順便全裸游水囉！」
女仔要小心相片
今年收入豐厚的Mia，笑言去小島旅行雖然所費不菲，但亦使得起：「寫真都賣得幾好，都有六位數收入，希望勤力啲做嘢，多啲戲拍搵多啲，我都有同小朋友買保險，希望佢哋讀大學時每個月都可以有二千蚊零用錢！」
曾爆出與前男友親密照的連詩雅，提及台灣淫照事件則十分迴避：「我覺得我唔應該回應，不過女仔對自己嘅相都要小心啲！」
文：影視組