朱慧敏冇拍拖冇照肺

朱慧敏昨日出席新生精神康復會活動，被指與EO2成員彭懷安（Eddie）過從甚密的她，有指經常到Eddie的糖水店，而對方亦有向她送花求婚，因為太高調而遭無綫高層「照肺」，朱慧敏對此否認：「我冇拍拖；冇畀人照肺，我同佢（Eddie）依家都係單身。我唔係老闆娘，我有畀足錢去幫襯食糖水；被影到有束花放在佢架車後座，查實是我自己買嘅一束荷花，我哋仲係朋友，未到談婚論嫁的階段，畀啲機會我哋。」同場的羅天宇亦緋聞纏身，他否認靠阿媽出馬「翻撻」最近盛傳頻向小生發電的苟芸慧，並力撐對方不是亂發電的人。