丁子高笑囝囝似千嬅多嘢講
丁子高昨日出席活動時透露囝囝丁進諾兩個多月大，體重13磅，他有為囝囝擺滿月酒，而百日宴則仍在考慮中。他表示囝囝名字是找師傅改：「進諾即係代表老婆為我進行咗生BB嘅承諾。」他和老婆楊千嬅近日跟囝囝說話時，囝囝已識得「依依呀呀」，丁子高說：「佢應該會愈嚟愈似千嬅，一樣好多嘢講，會駁嘴，第時可以同我鬥吓（嘴）。」
對有報道指千嬅肥？他說：「佢唔會嬲，生完BB嘛，佢一向都靚，依家仲靚；千嬅有做運動和搵營養師減肥，兩日減咗2kg，仲要減20磅。（幾時追個女？）過多年幾先，等哥哥識得照顧妹妹先，同埋千嬅出嚟做吓嘢先。」