楊秀惠置迷你倉私隱密藏

藝人楊秀惠、黃日華女兒黃芷晴和日模松岡李那、田代麻衣等昨日齊為手機品牌行騷，期間大玩水池遊戲，楊秀惠一組更因贏了遊戲獲送手機。問她會否將舊手機丟棄？她笑說：「唔會，做後備。」繼而自爆有個迷你倉，儲起了四部手機和兩部電腦：「近日有好多藝人流出咗私相，令我仲唔識處理舊手機。（因為有親密照？）唔係，係fans同家人寫畀我嘅信，（藝人流出私照係人為？）我唔知，不過我以讀者身份睇都會擔心。」她並再三強調手機內沒有秘密，但自覺跟朋友外出食飯都會被大造文章，所以不希望手機內有任何東西洩露，否則又會被亂寫一通。

黃芷晴發放少女性感

穿上露肩裝的黃芷晴就稍露少女性感味道，問是否首次性感行騷？她謂：「係第一次行，不過唔算太性感，有打底。（爸爸唔准你性感？）唔會，適量OK。（衣着要爸爸過目？）唔使，信得過我。（你私下衣着好性感？）唔係o架，輕便為主，有着背心。」她又透露將與爸爸拍攝城市電訊的新劇，但不擔心新公司未獲發牌。

日模松岡（右）及田代麻衣同聲同氣。

田代麻衣（右）失足跣低，十分尷尬。

松岡日本會緋聞男友

此外，眾女玩水令到地面濕滑，田代麻衣就不慎跣腳仆倒，她大呼尷尬：「好驚呀！地下太跣，太投入啦！」而剛從日本工作回港的松岡李那，被問到在當地有否約會緋聞男友、安室奈美惠的舞蹈員Yusuke？她坦言二人有見面，至於對方是不是男朋友？她就笑稱不知道，又謂彼此有長距離，但Yusuke將來港為松岡做隊長的組合Girls Kingdom排舞，屆時松岡亦會一盡地主之誼。

文：名人組