賈曉晨難忘蟻吻痛入心
「宅男女神」賈曉晨（JJ）早前拍劇時因穿拖鞋到荒山野嶺，因而惹來被紅火蟻咬，當時的情景確是不堪回首，她說：「拍《怒火街頭2》嗰陣，有一次要着住對拖鞋去山墳，搞到畀紅火蟻咬，嗰晚仲痕到喊，之後我整爆傷口流出啲膿，但結果對腳痛到行唔到路！」
雖然JJ再提起紅火蟻都感到怕怕，不過她對於劇中按摩女郎的角色卻甚為喜歡：「劇中角色有啲似我，因為都係唔理人點誤會都會堅持做自己，好鍾意角色有愛心、有原則嘅性格！（現實中被誤會都不解釋？）解釋咁多都冇用，香港觀眾睇住我長大，佢哋會知我係一個點嘅人！」
服裝：Upon Witchee