梁慧恩飛警棍爆笑
主持兼藝人梁慧恩（Viann）早前拍攝劇集《監警有道》，於劇中演女警，由於是第一次演警察角色，故此拍攝期間發生不少搞笑事，Viann表示：「我試過正式拍攝期間，一拿起支警棍就成支跣手飛咗出去，好似拍笑片一樣！又試過着警服時，見到腰帶上有一個好似散紙包嘅袋，就將個袋轉咗去腰帶後面，點知啲工作人員見到就話畀我知，原來嗰個係子彈匣，係必須放喺皮帶扣嘅隔籬，呢啲真係唔講唔知！」
雖然今次是婚後第一次接劇，但Viann坦言老公沒有管接管送，並笑謂可能要等懷孕後才會有如此好「招呼」，Viann坦言現在已有生育打算，並開始進補，希望養好身子，隨時等候ＢＢ的來臨。