Iris求微峰細乳 謝絕(目及)胸男
當很多女士希望擁有深長事業線時，憑E Cup上圍揚名的「爆E超蓮」鍾采羲（Iris）卻希望減磅縮胸。不忿經常被男性掃描胸部的她坦言此行為極之猥瑣，更謝絕一眾只為(目及)胸的追求者埋身！
身材逼爆的女士大多是宅男至愛，深長事業線最容易令o靚模人氣上升。不過擁有E Cup導彈的Iris卻因為大胸而感煩惱，自言食唔停的她因早前狂擦美食至體重急升，上圍亦同樣升Cup。
雖然身材逼爆，不過Iris反而要減肥縮胸。她表示：「我本身唔想咁誇張，但偏偏肥喺呢啲位置！而且夏天約朋友出去玩，冇理由着啲連我阿媽都唔着嘅老土泳衣，搞到我要努力減肥！」
束胸降低被(目及)機會
胸大自然多人望，雖然Iris已習以為常，但仍感覺不舒服︰「唔單只係男仔，甚至女仔見到都會望一望，但我唔係太鍾意，因為人哋唔會讚賞你，只會覺得你好誇張，可能男仔又會好猥瑣！」
雖則事業線可助長事業，但不用工作時，Iris總會想辦法束胸，借此降低被(目及)機會。她說︰「始終呢度係香港，唔係外國地方，出街好多人望住我個胸，真係令我好尷尬！所以會諗辦法箍住。但有陣時做嘢要着好性感嘅衫，工作需要冇辦法。」
現時感情Dry爆的她渴望真命天子出現，但謝絕貪圖其E Cup身材的男性。她說︰「我鍾意靚仔，但唔想男仔因為我身材嚟追我，拍拖係要講感覺！」
Profile
姓名︰鍾采羲（Iris）
稱號︰「爆E超蓮」
年齡︰24歲
三圍︰35E、24、34
簡歷︰憑貌似何家千金何超蓮及E Cup上圍成為宅男女神，曾推出寫真集《Inside》、《What's Up》及《Iris Chung Sexy Icon 2012》。
文︰專案組
攝︰司徒國榮
服裝︰Blossom