周柏豪出盡法寶助人為樂
周柏豪化身卡通人物小夫（阿福）配合展覽活動，他笑言自己與小夫性格和背景不似，相反自覺像現實生活中的「多啦A夢」，除背起作為一家的精神支柱使命外，亦希望用盡法寶令身邊每個人得到歡樂。
歌手周柏豪早前獲邀化身日本卡通「多啦A夢」中的小夫（阿福），配合「你睇！！多啦A夢嚟啦！誕生前100年祭」展覽。同時亦為活動中的慈善部分呼籲大家出一分力。雖然獲邀扮演小夫，但他笑言自己與小夫不相似，他說：「小夫性格招積，屋企又有錢，我兩樣都唔係。我同小夫最似係個髮型。」
做精神支柱
周柏豪的外婆剛剛過身，他懷念外婆自小對他的照顧，像是他身邊的多啦A夢，他說：「細個想要乜就同外婆講，佢都會盡量諗方法滿足我。依家我出嚟工作，成為咗家中的經濟和精神支柱，家人有乜事都會同我商量，我就做咗屋企人中的多啦A夢，會用盡自己所有的法寶，去滿足大家的需要。亦希望可以令身邊每個人都開心。」
盼內地辦學
周柏豪入行至今對慈善不遺餘力，他直言幫助人的滿足感比金錢來得更大，他說：「我一直希望同朋友夾份在內地開學校教育小朋友，知識係無價，對佢哋將來係最大的幫助。」近年周柏豪為了工作四圍飛，他笑言希望有「隨意門」讓他縮短行程的時間，他說：「有時去世界各地工作，飛行過程都會用咗唔少時間，如果有隨意門話去邊就去邊，慳番唔少時間，可以做更多更有意義事去幫有需要嘅人。」