袁偉豪同老友鬥早失身
港男袁偉豪（Ben）、ＤＪ茜利妹、舞台劇演員白只及陳慧心將於８月尾公演舞台劇，已是第２次演劇的Ben，自言視今次演出為大挑戰，因題材和性事有關，故他要撇開港男裝酷的框框，開放胸懷變身「性男」。問他的第１次失身經驗？Ben尷尬的說：「我啱啱起身就問我呢個問題？都係喺讀中學時發生，嗰次都幾甜蜜o架，我嗰時都會同啲男同學講呢啲事，仲低能到鬥早失身，好好笑。」
背熟台詞
令人意外的是作風大膽的茜利妹，原來相當遲熟，她說：「我第１次係發生喺20幾歲，同當時嘅男朋友約定去『搞』，可惜我哋嗰時乜都唔識，足足『搞』咗３次先成功，頭嗰２次直情係『進入唔到』。」
Ben又謂另一難題是要和其他演員背對背做戲，未能面對面交流，大大增加了「甩台詞」機會，他說：「因為唔可以同對手有眼神接觸，如果對方甩咗一句或講慢咗，我就會接唔到落去，所以我哋四個人都要背熟埋其他演員嘅台詞，減少出錯機會。」
自彈自唱
問Ben可會在台上裸露？他謂：「導演未有要求喎，不過我會自彈自唱囉。」在旁的茜利妹、陳慧心及白只大讚Ben是結他高手，他15歲已開始學彈結他，有樣又有才華是城中「筍盤」。