應屆落選港姐楊斯雅（Cindy），雖然入圍二十強後終被淘汰出局，無綫卻睇準她甜笑討好形象，邀她簽約成為合約藝員，目前Cindy有份為《環遊世界明星賽》擔任Star Ladies之一，另一方面做「老本行」模特兒，實行多方面發展。
Cindy透露選港姐是兒時夢想之一，最欣賞的港姐是李嘉欣，如今無緣比賽問到可有失望？她說︰「唔會，因為人要向前看，依家入到TVB都好開心，雖然我為咗今次選美一年前已經做足準備，學古箏同埋跑步練氣，但我認為唔會浪費，學多啲嘢對自己好。」Cindy表示最想跟林峯和陳法拉合作，她說︰「林峯真人型過上鏡，第一次見佢我即刻面紅，好想合作。（點解想同法拉合作?）因為我覺得佢入行冇耐就有咁嘅成就好叻女，如果有機會拍劇做佢細妹就好喇！」
