王浩信等機會獻sing
歌手出身的型爸王浩信（Vincent），近年轉攻電視劇，他有份演出的《飛虎》收視報捷，雖然劇集已播畢，但Vincent仍回味拍該劇時的情景，可謂有血有汗，他笑稱：「最緊要係拍完套劇，操番六舊腹肌，變咗鋼條身形。（演技如何？）當然要繼續努力，我好想演爛撻撻同草根角色。」Vincent又坦言希望繼續出唱片，他謂會盡量爭取唱主題曲機會。
至於寶貝女有否聽他唱歌？Vincent說：「個女好鍾意聽我唱o架！每當佢喊，我就對住佢唱歌，佢又即刻停止喊喎。」Vincent於30歲前已經結婚做老竇，他說：「開頭都擔心自己有冇能力照顧囡囡同擔起成頭家，但見到個女時，佢帶畀我哋好多喜悅。」