鍾嘉欣睇好陳智燊上位

無綫藝人鍾嘉欣、陳智燊（Jason）及陳志健（Otto）日前為劇集《幸福摩天輪》到拳館拍攝，劇情講述嘉欣及Jason為一小童尋找母親，向其前度Otto查詢對方下落。見現場焗熱，一姐嘉欣亦識做地買飲料請工作人員享用。她指劇中最親密只跟Jason擁抱，問是否錫身？她否認道：「好尷尬，如非必要都會借位。爹哋媽咪都好抗拒睇我親熱戲，媽咪見到仲會掩面兼嗌『啋』！」
鍾嘉欣與陳智燊首次合作相處融洽。
鍾嘉欣與陳智燊首次合作相處融洽。

首次合作的鍾嘉欣與陳智燊相處融洽，訪問時更不時鬥嘴，笑稱「不和」後，又互笠高帽。Jason更賣口乖，讚嘉欣開朗友善，又稱是其歌迷。問首擔大旗的Jason值幾分？嘉欣說：「85分，仲差啲經驗，通常新人好緊張，但佢好大膽，對自己要求又高，相信好快上位，今屆飛躍進步都係佢！」

鍾嘉欣「萬歲」請飲嘢，陳志健（左）即搶住飲。
  • 鍾嘉欣「萬歲」請飲嘢，陳志健（左）即搶住飲。