李樂詩誕7磅半囝囝
歌手李樂詩（Joyce）本月14日晚在港安醫院自然分娩誕下七磅半重的囝囝，已育有一子Maxton的她說：「細佬個樣似哥哥，英文名似皇帝名叫Aleksander，中文名會畀朋友改。」她自嘲與老公的中文都差：「本來老公諗咗個名，我上網查吓，點知係女仔名。」
Joyce在12個小時陣痛過程中老公一直陪伴，患上重感冒的她生產時更不停咳，她說：「擔心感染到BB，又唔敢食藥，因為我哺母乳，依家要帶口罩先餵BB。」她自爆老公好想她再生個女：「做女人唔容易，生仔好痛唔想生，但老公話你遲啲就唔記得o架啦。」