楊怡撐姊弟戀非畸戀
楊怡、方中信、蒙嘉慧等昨日出席新劇開鏡拜神，兩女見已為人父的方中信仍保持健美身形，即輪流胸襲男方。方中信則取笑楊怡與羅仲謙戀情，指她鍾情大胸男，令楊怡哭笑不得。
對於有傳謙仔因家庭背景問題而沉醉姊弟戀，楊怡即力撐「男友」：「我覺得唔好搞人哋屋企人。（話你似阿謙媽咪。）梗係唔似！我有見過，但點有佢媽咪咁靚呀？又後生。（話你同謙仔係畸戀！）我覺得戀愛唔應該歧視，唔好用呢啲字眼去講，最重要血型唔係畸形就得。」
另外，謙仔昨日接受電話訪問，對於家人被傳媒追訪，他無奈謂：「我明白記者工作，但屋企人唔係娛樂圈人，希望大家唔好騷擾佢哋，唯一可以講係雙親分開咁耐，一直都好錫我，所以從來冇缺乏家庭溫暖。」