阿佘認搵嘉穎復合要問天

佘詩曼前晚出席活動，提到周麗淇及苟芸慧力爭其「舊愛」鄭嘉穎的傳聞時，她說：「我冇留意香港新聞，我連自己嘅新聞都唔知。（佢做咗視帝特別搶手！）唔答！（你哋好少聯絡？）都有聯絡。（有冇八卦佢嘅感情事？）我搞好自己先，仲八卦人哋啲嘢咩？（傳周麗淇同佢翻撻。）我唔回應。（怕會傳埋你？）報紙寫乜一向控制唔到。（有冇機會復合？）要問個天，我都唔知，我依家好開心，好滿意依家嘅狀況。」而事件中的男主角嘉穎接受內地傳媒訪問時，提到苟姑娘與周麗淇爭做「嘉穎嫂」，他笑指自己沒這麼厲害：「如果真的有感情穩定對象，我會選擇公開戀情。」

身邊不乏追求者

阿佘又強調現時單身，身邊不乏追求者。問到追求者是內地人還是香港人？她只稱：「係男士。」提到她會再過檔新公司，她說：「我一向同無綫有部頭約，我仲係無綫員工，如果拍外地劇就得。（王維基有冇搵你？）冇見過，冇接觸過，可能佢都知我有約。（佢話想搵你做一姐。）多謝佢賞識。」

鄭嘉穎今日生日，未知會否與周麗淇度過呢？（資料圖片）

苟芸慧前日約友人到中環歎茶。

有報道指嘉穎「新歡」苟芸慧電暈五男，苟姑娘昨日出席活動時無奈地稱：「我都唔知點解，唔想解釋咁多，時間可以證明一切。嗰五個人同我只不過係同事，我哋冇私底下聯絡。我明白工作上會有呢啲宣傳。（你頂替咗阿佘做緋聞女王？）冇呀！總之依家都係工作先。」

雨僑離開時經過苟芸慧身邊，但未有打招呼。

向來慳家的苟姑娘見記者辛苦，自掏腰包請食三文治。

慳家苟芸慧萬歲

另外，苟姑娘前日出席活動後，與女友人到中環歎茶。當她發現記者拍照時，向來慳家的她購買了兩盒外賣三文治給記者，並笑謂：「請大家食啦！辛苦晒喇！」而雨僑（前名羽翹）亦現身該餐廳，當她離開時經過苟姑娘身邊未有打招呼，看來兩人並不認識。

文：名人組