Kenny G馬交吳佩慈驚爆肉體關係

美國殿堂級色士風手Kenny G的髮妻Lyndie Bendon-Gorelick早於今年1月申請分居，而Kenny G於上周四正式入紙離婚，文件指他們以「不能挽回的分歧」為由提分手。其實現年56歲的Kenny G去年曾被踢爆與25歲來自澳門的o靚模Elaine Wong互發情慾短訊，二人不但相約夜蒲，Kenny G更邀約對方上房吹奏。今年5月中旬，Kenny G到深圳開演奏會時，二人不但上酒店房把酒談心，年逾半百的Kenny G還赤裸上身，認真有心有力，二人更趁有空一起做Spa。

唔怕被指做小三

對於Kenny G離婚一事，Elaine昨透過電話向本報表示早已知情，她說：「佢同我講已搞離婚一段時間，話同老婆咁多年都有問題，只係因為有小朋友所以一直拖住，依家離咗婚咪輕鬆晒囉！」她表示三個月前已知對方搞離婚，並一直保持聯絡。問她會否害怕被指介入對方婚姻？她說：「唔怕，成日都有人講呢啲嘢啦，佢係老外成日出去飲嘢都唔Mind，我又點會Mind呢？我哋真係識咗好耐！佢離婚只可以講大家來往密咗！」

Elaine Wong

去年Elaine曾與Kenny到酒吧摸杯底談心被拍。

認曖昧有攬有錫

至於問到Elaine跟Kenny G現在是甚麼關係？她說：「唔知點講，有啲曖昧，有攬有錫，不過冇正式一齊。佢叫過我去美國陪佢，又叫我陪佢去巡迴演唱會，但係叫我要同佢飛印尼、韓國、日本喎，我點去呀？其實有嘢就有咗好耐啦！」問有沒有性關係？她直認不諱說：「都係兩、三年前嘅事，當時佢仲有老婆，唔想影響佢婚姻，所以冇再咁喇！」此外，雖然Kenny G被離婚一事困擾，但其新專輯《Namaste》仍打入流行爵士榜頭20位，足證他在樂壇屹立依然。

Kenny G

年齡：56歲

背景：美國華盛頓州西雅圖出生，年僅10歲已開始作公開表演，擅長吹奏色士風音樂。

成就：Kenny G早於80年代聲名大噪，各地歌唱單位也曾跟他合作，跟香港亦相當有緣，其唱片累積數字直逼5000萬張，是當代全球唱片銷量最高的演奏樂手。

Elaine Wong

年齡：25歲

三圍：33D、25、35

背景：來自澳門的Elanie在港澳任兼職模特兒，前年參加「HKModelhouse」模特兒比賽，贏得「最佳才藝獎」，其後簽約加盟。

成就：去年推出3D寫真集，內有多張性感噴血照，宣傳時更向市民派壯陽藥。同年7月，她坦認Kenny G以情慾短訊力追自己。

文：專案組