杏兒唔要緋聞谷收視
前晚鎮宇發完火後，《衝Ⅱ》昨日繼續拍飛機維修員的胡杏兒，到中區差館保釋演飛機師胞兄的張智霖（Chilam），他一身爛撻撻底衫踢膠拖上陣，與杏兒街頭鬧交，跟鎮宇前晚發火認真連戲！
杏兒主演的《怒火街頭2》前晚收視平均達32點，播出期間遇上奧運，她認為是四年一度盛事不能說是拖累，寄望之後觀眾會增多。多得拍檔鄭嘉穎跟苟芸慧傳緋聞？杏兒說：「做吓新聞都好，但我就唔要喇。（周刊指黃宗澤狂send短訊箍煲？）佢哋點知啫！（有冇聯絡？）依家少啲。（話佢激瘦？）唔知，冇睇啲相。（心痛？）睇吓係咪真先啦！」而在台灣開工的黃宗澤昨日表示只瘦了少許，外間形容太誇。因受情傷？他說：「多謝關心嘞！」
同場的Chilam再為「驗睛」被指為「驗精」報道解畫，說沒有嬲反而覺得是祝福，但聲言不會接受人工受孕。