莊思敏擺桃花陣益晒兩個妹

模特兒莊思敏前晚欣賞芭蕾舞劇，對早前傳出的士迷暈疑案，原來並非事實，她說：「好彩係誤會，聽到都驚，因我成日搭的士，我仲第一時間同兩個妹講，佢哋成日喺中環飲完搭的士返屋企。（兩個阿妹都搵到護花使者！）係囉！我真係失敗，我畀錢喺屋企擺桃花陣益晒佢哋。（可能你一識到就結婚呢？）係呀！」

同場還有蔡一智與太太及繼女Gigi，蔡一智透露另一女兒China也有份演出，但搞笑地指女兒是咖哩啡，不過就指女兒很喜歡音樂，更自覺是世界上跳舞最叻，笑言有他的遺傳，至於細仔已改英文名，但不肯透露名字。