王梓軒激凸珊珊陰陰笑

歌手王梓軒（Jonathan）兩場會展個唱前晚圓滿結束，出席的嘉賓有男子組合BOYZ、歌手官恩娜及Jonathan的父母等。Jonathan在台上大跳勁歌熱舞，又落台與一眾粉絲握手影相，在安歌環節更強忍淚水向大家致謝。

在頭場不慎墮台而弄傷腰和頸的Jonathan表示：「完騷後要即刻睇醫生，不過好有趣嘅係咁啱跌咗落家燕姐（薛家燕）身前，嚇到佢大叫。」問到可有留意「未來外母」家燕姐在微博上對他的慰問？他坦言有看過亦深表感謝。

而對於父母、緋聞女友石祐珊（珊珊）和其母家燕姐大前晚如「親家」般聚首一堂看演唱會，問可有感動？Jonathan尷尬地說：「哎呀！你哋唔好玩我啦！家燕姐對我好好。」

問到與女Dancers跳熱舞時雙手在對方下體遊走，他表示：「我覺得自己表演得幾好。（因為珊珊在場唔方便回答？）珊珊佢好照顧我，經常都想保護我嘅形象。（但係見到你有少少「激凸」喎！）無呀！可能係角度問題！」在旁的珊珊隨即幫口：「放心，佢有打底o架！」問到珊珊可有驗過？兩人笑而不語。

作為經理人兼緋聞女友的珊珊亦替Jonathan高興，她說：「好希望佢可以開到part2，如果佢開到嘅話，我會批准佢除多啲衫，露多啲肉。」

文：音樂組

王梓軒激凸 珊珊陰陰笑