高海寧談追求者緊張
高海寧（高Ling）昨日為「第68屆秋日婚紗、婚宴及結婚服務博覽」擔任模特兒，穿上婚紗行天橋，力谷豐滿上圍及事業線。伊人事後謙稱乃婚紗弗身形所致，又謂並非首次穿婚紗，但每次穿上也有幸福感覺，日後如出嫁時會搞搞新意思，穿露背款式出嫁。
早前與苟芸慧前男友羅天宇傳緋聞的她，雖然已斷言跟對方冇機會，但問到其感情事時卻表現緊張：「依家未有男友，緋聞都係假嘅！（有冇人追？）有，認識中囉！（圈中定圈外人？）唔知呀！總之做住朋友先啦！都未正式開始。（對方有咩舉動？）都要做咗朋友先，未有下文呀！」