Lynn捉埋城城齊齊戒煙

身在台灣的郭富城，正忙於昨晚與今晚在小巨蛋舉行演唱會，被問到Lynn到時會否捧場？他輕描淡寫說：「我沒了。」即令人有所聯想，惹起兩人分手疑雲。而Lynn昨日為時裝騷擔任模特兒，被問到城城一句「沒了」，是否感情有變？她笑着說：「以我所知佢係應該話係冇嘢講，冇事發生過，總之我依家好正常。」

未能留得好位

Lynn謂因工作未能捧場，還不忘為城城演唱會做宣傳，指門票一早沽清，未能為朋友留到好位置。而被問到城城完騷後兩人會否去旅行，她說：「應該唔會，佢之後仲要去新加坡。（儲夠錢娶你？）你問番佢，總之我嘅私己錢愈多愈好。」

城城赴台開個唱，惜女友未能捧場。（資料圖片）

月前熊父來港就醫，Lynn做孝順女管接管送。（資料圖片）

勤工作搵藥費

另外，被問到患病父親的情況，Lynn透露已有好轉，她說：「佢精神好好，肥咗面脹卜卜，食得瞓得係好事，佢之前喺香港做療程，依家返咗南京抖吓，因為香港冇乜朋友。（少啲工作陪佢？）唔會，因為醫藥費貴。（城城幫你畀？）唔需要住，我OK。」她又表示父親是患肺癌，以前有食煙，但已戒掉，Lynn說：「自從佢有事，我都捉身邊朋友戒煙。（城城食煙？）佢戒咗啦！（因為你而戒？）好多嘢，健康原因，我自己都戒埋喇！唔想畀你哋影到喺街咁樣衰。」

文：名人組