蘇永康慈善騷寸到爆
蘇永康（阿公）前晚舉行「蘇永康弦愛交響夜」慈善演唱會，全晚與嘉賓謝安琪（Kay）、梁漢文、林保怡等「寸」足全場。他先插政府遲遲未向城電發牌照：「政府批地唔批牌，我拍完套劇都唔知幾時有得出街！」又與tube dress上陣的Kay怒轟環球與Neway炒大鑊，導致K房冇原唱《囍帖街》。嘉賓林保怡亦寸爆無綫：「《妙手仁心》其實都係抄外國劇，不過好彩主角做得好。」他更笑言向城電老闆王維基提議夥拍阿公開拍新一輯《妙手》。
阿公在台上唱出《我女人》來祝福前妻，又自爆十年前在台灣戒毒所的瘀事：「好多謝勒戒所阿頭留番些少尊嚴畀我，唔使我出去草地散步放風，四十幾個守候嘅傳媒先影唔到我着住灰色運動短褲look。」
