杜汶澤粗口橫飛DaDa尷尬收嗲
杜汶澤、陳靜（DaDa）及鄭中基等前晚到戲院為新戲謝票，期間杜汶澤幾個大男人大講粗口兼有味笑話，令DaDa全無搭嘴餘地，尷尬站於一旁。
打扮性感的DaDa，前晚與杜汶澤、鄭中基及導演彭浩翔為電影《低俗喜劇》到銅鑼灣一間戲院謝票，為了貫徹電影的「低俗」風格，三個大男人粗口滿場飛不特止，更講了不少有味笑話，令在旁的DaDa尷尬得插不到嘴。
鄭中基揸胸唔備案
據知電影超過七成對白都是地道的粵語粗口，DaDa笑說：「我有時都忍唔住會講粗口，我覺得係香港一部分嘅文化，都可以好順口嘅！（拍完講粗口順咗？）心入面囉，諗多咗！（宣傳多粗口尷尬？）最緊要開心，平時自己都唔係咁『高尚』！」現場說了不少粗口的鄭中基就開玩笑說：「我不嬲都唔講粗口o架喎！（有小朋友在場會檢點啲？）梗係會！」他於電影中有觸摸邵音音胸部的戲份，不過他直言事先未有告訴老婆，亦不怕她會呷醋，杜汶澤亦幫口說：「點會呷呢啲怪醋吖！」
《低》片開畫首兩天單日票房均過百萬，連同開畫前的58場優先場，累積票房已高達三百萬。杜汶澤對票房極有信心：「我估計一星期會有一千萬！」而彭浩翔就希望能請工作人員齊齊去旅行：「如果過二千萬，我希望投資者拎一百幾十萬出嚟畀員工抽獎！（拍續集？）我希望以原班人馬再合作，但未必係續集。」
票房報捷更獲兩獎
除了票房報捷，該片更獲得第十六屆蒙特利爾奇幻電影節的「最受觀眾歡迎電影獎」及「最佳亞洲電影銀獎」，彭浩翔透露由於要在港宣傳故未能遠赴當地領獎，他對於得獎謂：「好意外，（想再拎多啲獎？）咁又唔會好大壓力，最重要係觀眾睇得開心。」
文：影視組