Amanda S.趕製蛇B：一年後乜都會試
名模Amanda S.婚後一直積極造人，昨日她出席時裝騷時，被追問有否好消息公布？她坦言：「生B慢慢嚟，當初結婚都係想生先結，唔係唔會結，但唔可以太大壓力。（之前你嘅蛋糕店被爆竊有冇影響造人心情？）唔關事。我同老公一有時間就會造人，如果一年後無BB會用其他方法。」
另外，談到蛋糕店遭爆竊一事，Amanda不欲多談，並稱已交由警方處理：「總之我嘅職員喺閉路電視見到有啲奇怪就報警。（有冇因此而炒人﹖）成日都會炒人。」她又稱老公知道她因此事不開心，就送花及送慰問卡來氹她高興，令Amanda甜在心。