馬國明走精面擸觀眾
無綫小生馬國明雖然事業穩步上揚，不過原來他會時時刻刻提醒自己不會攬住「靚仔」、「偶像」的包袱，更揚言要倣效黎耀祥和許紹雄，朝着實力、務實之路進發！
馬國明（馬明）最近在無綫穿越劇中一反常態，扮演貪威識食、經常「走精面」的角色，擺脫他以往的斯文形象，不過馬明表示這反而是件好事，可以給予觀眾有不同的感覺：「演員好棹忌係觀眾鍾意睇你做嗰樣，你遷就晒觀眾去做嗰樣，其實咁樣好危險，始終觀眾會有厭嘅一日，如果到時觀眾厭咗，你想變就太遲！」
學黎耀祥許紹雄
在劇中，馬明視諸葛亮為他的偶像，不過他在現實中的偶像卻另有其人：「我嘅偶像就係黎耀祥同許紹雄，我欣賞佢哋嘅唔止係演技，仲欣賞佢哋做人處世嘅態度！我成日覺得攬住『偶像』、『靚仔』行出街好辛苦，但佢哋生活得好舒服，又唔怕話畀人聽結咗婚、生咗小朋友，亦唔需要着到好名貴、好靚去見傳媒，所以我都朝住呢個方向去做！」
戀情穩定才公開
不過問到馬明如果有另一半會否選擇公開戀情？他就說：「我唔介意公開，不過要喺穩定咗之後先，如果未穩定就費事煩！」不過馬明身為藝人，對於拍拖亦有一定難處：「尤其係啱啱想認識對方，約佢食餐飯，點知畀人影咗，然後畀人講到好誇張，就算你冇嘢，個女仔可能都尷尬！」
文：文珊
攝：劉智源