杜汶澤自嘲肥膩拒咀祖兒
樂壇天后容祖兒擔演的新戲上映在即，日前她與新戲監製杜汶澤，接受ontv《娛樂on Show》訪問。兩人互笠高帽，阿澤大讚祖兒為人夠真，祖兒則讚阿澤有趣；問到阿澤為何不演胡歌角色，可以一親祖兒香澤，阿澤笑稱：「唔係個個食肥膩嘢﹗」
人氣網站ontv的娛樂資訊夠快夠新，獨家娛聞具話題性，加上有名人紅星專訪，難怪點擊率屢創新高﹗天后容祖兒日前與監製杜汶澤，接受由俞詠文和周吉佩主持的《娛樂on Show》訪問，暢談新戲《DIVA華麗之後》點滴，四人言談甚歡。
咀陳奕迅難忘
戲中祖兒與胡歌有咀嘴戲，對於胡歌曾大讚祖兒嘴唇夠軟，祖兒說：「其實嗰日好凍，凍到個人硬晒。」問阿澤為何不演胡歌一角？阿澤笑稱：「我演就唔掂咯，唔係個個食肥膩嘢。」祖兒帶笑反擊：「我幾肥膩呀？」阿澤即解釋：「我話我肥膩呀﹗」場面爆笑。祖兒曾與陳奕迅、謝霆鋒及林峯拍Kiss戲，她表示與陳奕迅的咀戲較難忘，她說：「因為嗰日係光天化日下咀嘅，好多人睇住。」
林欣彤有天分
而祖兒男友劉浩龍亦有份在新戲演出，難免成為話題，問阿澤在拍戲期間，是否見證戀情萌芽？他說：「如果佢（祖兒）唔會講嘅嘢，由我嚟答，我咪好『契弟』？」阿澤自言監製過4部電影，這一部是最開心，他又大讚祖兒為人夠真：「我認識嘅祖兒好真，佢未必每一秒都打開畀你睇，演戲除咗賺錢外，有機會打開自己心窗，係一種釋放。」
另阿澤大讚戲中演員林欣彤極具演戲天分，他說：「佢一生出嚟就識做戲，咁精靈，佢好知道自己做緊乜。」想知道祖兒和阿澤在戲中有何火花及其他拍攝趣聞？密切(目及)實《娛樂on Show》啦！
採訪：專案組
攝影：李柏儒
場地：The Mira