莊思敏貓步教官訓新人
模特兒莊思敏（Jacquelin）及男模劉智偉近日升呢做「貓步教官」，教一班新進模特兒行貓步，兩位均直言現在的模特兒市場變化甚大，人人都可以做model，故有感質素有點參差。
經常行天橋的模特兒莊思敏及男模劉智偉，近日除頻頻接job搵銀外，更化身貓步教官，為模特兒公司Jamcast旗下的模特兒班教授行貓步技巧，現場所見Jacquelin與智偉各自施展型爆貓步，令學生們拍爛手掌。
有成功感
兩位直言近年亦有開班授徒，乘機賺點外快，Jacquelin說︰「我同智偉入行都係要上一啲catwalk class先，過去呢幾年都會去教班，但唔會好公開去招生，都係透過一啲機構去做。」她又表示看到一班學生行騷有好表現特別有成功感，她說︰「見到有啲可能只係為咗公司一個annual dinner嘅fashion show，佢哋都會好花心機去練，之後做到要求，我嘅成功感就好大。」
質素參差
不過Jacquelin直言現在的模特兒比較參差，而智偉亦慨嘆現在的模特兒市場變了很多，尤其是做model的條件，他說︰「依家model變咗好多，以前條件苛刻啲，身高要有174cm以上，唔係有錢就學到。」此外，兩人均表示曾教過極之特別的學生，其中Jacquelin笑言對一位沒方向感的學生最印象深刻，她說︰「佢完全冇方向感，轉左轉右都搞唔清楚，佢行路好唔協調，但四堂後做番正常人，我都好開心。」
文︰專案組
攝影︰鄭家俊