宣萱M到讓賽 遭張嘉兒峰殺

馬德鐘及宣萱等一眾《飛虎》演員昨齊齊遊船河為本周日的大結局造勢，惜身為主角的二人均十分錫身，而「大隻仔」羅仲謙及梁烈唯等亦未見蹤影，令是次宣傳略為失色。幸得張嘉兒「吸睛」上陣玩滑水大顯身手，袁偉豪及翟威廉等亦大騷結實肌肉「力挽狂瀾」，而日伽由於不諳水性，故就由袁偉豪拖住、硬着頭皮的玩跳水，落力為宣傳增添可觀性。

在船上打氣

未肯脫去上衣的馬德鐘只以緊身背心示人，反觀其十多歲的囝囝馬在驤就比爸爸大方得多，不介意赤膊上陣，對此馬德鐘笑言：「之前答應過大家要達到某收視先會露o架嘛，依家露唔太好嘅！」。而守身如玉的宣萱則坐着水上電單車於海中心「現身」，她透露由於是日「唔方便」故未能落水。馬德鐘指播放結局當晚眾演員齊齊食飯，而無綫行政主席梁乃鵬亦會於本月21日宴請劇中演員。

穿上比堅尼的張嘉兒最為養眼。

日伽雖不諳水性，但仍大膽與翟威廉出海遊玩。

希望演續集

劇集反應理想，問到馬德鐘及宣萱會否有意參演續集時，宣萱笑言：「其實都好，我都有心水人選，歐陽震華我一定會問吓佢，同埋可能求吓古天樂，橫豎佢同TVB都仲有約！」而馬德鐘又希望找羅嘉良飾演大反派。不過宣萱及後卻指自己與無綫的部頭約仍在洽談中，但就表示開拍續集是其續約其中一個吸引的條件。

馬德鐘在場表演飛身跳水。

馬德鐘前晚帶同妻兒出席活動，透露與無綫簽了部頭約。

另外，馬德鐘以港安醫院大使身份，偕同太太與囝囝出席活動，他更透露有片商想投資《飛虎》的電影版。而他又表示現與無綫簽了一年一部劇的部頭約。

文：影視組