吳雨霏拉攏好姊妹助唱
歌手吳雨霏昨日化身模特兒為品牌Leonard行騷，身穿中門大開的連身裙略帶性感，她表示有數次行騷經驗，今次卻要穿上四、五吋高跟鞋行騷，問到可有擔心行騷會仆親？她說：「試行過都OK！因為我有對鏡練習，但屋企冇咁長咁大嘅走廊，不過我有時都會着高跟鞋跳舞。其實自己可以唱歌，又可以行騷都幾好，我只係比標準模特兒矮咗兩吋。（向模界發展？）我都好鍾意時裝，行catwalk係新嘗試。」
她又表示近期忙於練舞，因走跳舞路線之餘，也為十月的廣州演唱會作準備：「我入行以嚟首次喺廣州開騷，好期待。（朋友助陣？）想搵番以前啲好姊妹，例如Stephy（鄧麗欣），佢近年都主攻內地。（傅穎呢？）都希望。（唔驚佢哋不和？）冇嘢！都咁多年。（緋聞男友林德信？）都可以佢彈結他，我唱情歌。（咁咪好冧？）朋友唔會冧。」
而行頭炮的模特兒林莉以短髮造型示人，她表示感覺很耳目一新，笑言四、五歲時剪過湯碗頭後都一直留長髮，更稱恨到歐洲行騷。
