長短裙襯高人
「前短後長」的裙襬風氣hit爆今季，在炎炎夏日讓裙子隨風而擺，散發迷人女人味，帶出60年代懷舊復古風格。可是女士們要小心挑選適合自己的裙，Eunis送贈小貼士：個子高的女士穿會比較好睇，所以必須以高跟鞋配搭。
何超雲
「條裙靚，係依家興嘅款式。着得佢身形瘦削，加上佢一頭金髮好match，如果換咗係黑頭髮就未必好睇。」
華姐張慧雯
「條裙靚，加埋成個total look做到正常嘅cosplay造型出嚟，唔會太露肉，動漫節嘅場合着ＯＫ，配合主題。」
設計師何志恩
「Vintage得嚟又professional！佢嘅style先可以carry到呢啲裙，好似鬼妹仔先容易襯到。」
容祖兒
「最靚，Joey向來着衫都有taste，呢條裙好特別，登台絕對係一流！性感得嚟有型，而且無論髮型、化妝都同條裙好配合，紅黑永遠冇得輸。」
蔡卓妍
「阿Sa一向着衫都係好睇，佢上身不規則係靚，但今次條leggings出咗事，冇咗腰形。佢應該唔好着leggings，咁樣先會凸顯到身形。」
張美妮
「普通嘅款，顏色好sharp好靚。係斯文大方嘅裙，露到個膊頭增添女人味。」
「爆E超蓮」鍾采羲
「ＯＫ，冇咩特別，唔太sharp。裙太長令佢矮咗啲，但都着得佢可愛，其實啱出海或陽光海灘多啲。」
Profile
陳嘉容（Eunis）是香港著名模特兒，曾為各大國際品牌行時裝騷，在時裝界打滾多年，無論在時裝的理論還是實戰都難不到她，近年更為電視時裝節目擔任主持，化身Stylist教人配襯衣着打扮。