羽翹鬼崇撐羅力威出入快閃
歌手羅力威（Adason）自轉投英皇旗下後，旋即成為公司新寵兒，除曝光率大增和唱片成績理想外，日前開鑼的演唱會反應熱烈，不但獲藝人詩雅與陳家樂結伴睇騷，連大師兄古巨基亦到場支持，唯獨女友羽翹（Ava）未見影蹤。
原來Ava選擇低調支持男友，特別避開首場，改在前晚第二場才入場欣賞男友演出，更在開場前10分鐘才匆匆到場。一身便服的她仍被記者發現，只好無奈地停下在Adason的花籃叢前拍照。由於現場仍然有不少歌迷聚集，見到Ava的出現都議論紛紛並圍觀，故拍完照後Ava立即在同行的女性友人陪同下極速進場。
男友畀飛入場
事後記者致電Ava，問到是否專程來捧男友場，她說：「普通睇騷，佢（Adason）上一個騷我都有睇啦，但今次個騷真係好精彩。」但就承認是Adason給她門票。公然到場支持，代表兩人關係明朗化？她笑說：「無明唔明朗，我純粹係睇佢演出支持佢。」又稱因怕完騷後人多，特地提前離開，未有到後台跟Adason見面。
宣布更名「雨僑」
對於現場有不少Adason的歌迷對Ava的到來議論紛紛，Ava表示：「我無留意呀，亦都唔會理咁多。我入場後就坐低咗，都有見到唔少歌迷，有啲認得我咪打聲招呼囉。」同時Ava又透露公司決定將她的名字羽翹改為「雨僑」，而英文名則不變。
文：音樂組