黃長興古堡娶妻一殼眼淚
黃長興與太太Peggy於法國酒莊城堡舉行浪漫婚禮，七十多位至親好友到場觀禮，浪漫溫馨，註冊時一對新人忍不住感動落淚，說到造人，長興叫大家放心，因他有心有力！
前港男黃長興與太太Peggy日前於法國註冊結婚，婚宴於法國一酒莊的城堡內舉行，與長興由小玩到大的好友及雙方親友共七十多人出席，場面溫馨浪漫。此婚宴籌備了大半年，由於之前在港僅以電話、電郵與攝影師、註冊官等聯絡，故長興抵達巴黎忙於約見一干人等，之後才駕車到舉行婚宴的波爾多產酒區。
放白鴿儀式
婚宴當日，新人早上先影相，之後到婚姻註冊處註冊，晚上七時多才到酒莊，結婚派對開始前更舉行放白鴿儀式。由於在白酒莊舉行婚宴，故以葡萄為主題，所有兄弟的煲呔一概綠色。註冊時長興按捺不住流下開心淚水，他說：「本來我好mano架嘛！不過當我哋交換完戒指結為夫婦時，我一望Peggy佢已經流晒眼淚，搞到我都閂唔住水喉，見到佢開心自己都好感動，覺得之前嘅努力冇白費。」
生B有心力
長興更承諾會好好錫老婆：「希望佢做一個最開心的老婆！（註冊後係咪開始努力造人？）都想，但之後要喺香港擺酒，順其自然啦。都唔想老婆擺酒時大肚，行動唔方便，總之放心，我有心有力！」明年3月16日會在香港洲際酒店設四十圍婚宴。
文：影視組