周秀娜笑Mia惹火易中暑
昨日周秀娜為生力清啤活動化身星級教練，領導一眾男女舉起啤酒樽做健身操。周秀娜稱今趟回港會較長，問到可會𥄫實男友時，她說：「我可以約佢靜靜傾吓偈。（之前男友曳曳？）我同佢講要飲低酒精飲品，先唔會出事！」
她又笑言叫男友包場與她齊觀賞首部處男作，講笑謂若睇到男友與Mia「肉」搏戲時睇到火遮眼就會用啤酒淋男友：「等佢清醒吓！（Mia惹火？）咁我惹痰囉！（你咪輸晒？）惹火唔好，依家天氣熱會中暑！」
她又稱與男友睇奧運，自己愛看肌肉男，大讚跳水選手戴利可愛；而男友看到運動選手的一身肌肉即感到自愧不如：「佢要keep番身形。（你有身形咪得！）男仔都好注重身形。」