陳霽平冧盛品儒：有發展空間

前晚Maria出席牆紙活動，甫到場即被傳媒包圍追訪她跟盛品儒的「平品戀」？她卻口窒窒地說：「未正式拍拖，（搭晒膊喎？）我哋係好好朋友，佢鬼仔性格，（朋友會摸pat？）輕微啫！」問到何解突然否認戀情？是否怕見光死？她即死撐說：「因為我哋完全係未拍拖，（但你之前接受電話訪問認咗㗎喎？）我係話大家係好朋友，喺好初步嘅階段，有發展空間！」

否認做小三

問Maria欣賞對方甚麼？她滔滔不絕地說：「佢各方面都好優勝，講嘢都好幽默，（但你年紀大過佢好多？）做朋友唔計年齡，冇所謂，最緊要對方思想成熟。」Maria又不諱言不介意姐弟戀，但不會過檔亞視工作。另對於被指是盛品儒與呂晶晶的小三？她否認說：「我哋係好朋友，暫時未有嘢，所以我唔係第三者。」

放大圖片	陳霽平與盛品儒被本報拍得態度親暱，儼如熱戀中的情侶。（資料圖片）

嘉欣中頭獎

而同場的李嘉欣就自爆「中頭獎」，她說：「囝囝好多動作，真係拆咗屋企咁誇，好似佢今日喺衣帽間扯住條長裙，搞到連個木衣架都扯埋落嚟，扑到我個頭。」囝囝小JM現時一歲多，問嘉欣如何看國民教育？她表示要時間推行，不可以太急進，那可會考慮讓兒子入讀國際學校？她謂會以本地校院為首選呢！文：名人組