吳雨霏有實力出碟谷騷
吳雨霏（Kary）昨日以熱褲騷長腿出席電台訪問，透露日前拍攝新歌《狠狠》MV時因狂跳7小時搞到腳軟兼虛脫，她說：「因為着住高踭鞋勁跳，收工上車雙腳抽筋同虛脫，有男同事即刻幫我拉筋。（同男友洪立熙做多啲運動？）自己識做唔使陪。」
剛推出新碟的Kary透露年底再推出新專輯，即被取笑是環球一姐能半年出2張唱片，Kary說：「邊係一姐？公司個個都錫，我有實力。」隨即解釋是為明年個唱造勢。由於薛凱琪早前舉行的處女演唱會叫好又叫座，問到是否受到威脅？Kary說：「冇咁諗，一向都做好自己嘢，唔同人比較。」